Sabado ng Gabi

Sa iba, eto ang tamang panahon para gumimik at magliwaliw. Pero para sa akin, eto ang panahon kung saan ako ay naiiwan lang dito sa bahay, naghihintay sa unang taong uuwi habang nakatapat sa computer, depende pa kung naglalaro o nag-iinternet lang.

Wow. Ang saya.

Nakakabagot. Walang masyadong magawa. Walang masyadong kausap. Ni hindi ko nga mapuwersa ang sarili ko na mag-aral na lang e. Grabeng katamaran na ito.

Para akong natutulog ng dilat. :
------------------

Ahoy, hindi ito kapani-paniwala! Nauubos ang aking cellphone load!

Habang nakatunganga sa J202 at naghihintay para sa klase ko sa Modealg, biglang dumating ang isang text mula kay Alvin...

-----

May kumaway






May kumaway downtown, walking fast, faces pass and I'm homebound...

-----

(Kung sakaling hindi niyo nage-gets, yan ay galing sa A Thousand Miles ni Vannessa Carlton. May kumaway == Making my way. Medyo malabo lang dahil siguro sa -breakitdown! sa huli.)

Aha, puro patawa na naman.

Naisip ko na baka naka-"send to many" itong si Alvin, kaya nag-send din ako ng ilang joke sa ilang mga kaklase. Nagsend din ako ng iba kong joke dun sa mga wala pa. Nagdadalawang-isip pa nga ako kasi baka maistorbo ko ang ilan sa pagkakatulog nila. Mabuti na lang at may ilang nagreply. :))

Sample ng sinend ko:

-----

Boy: Uy, may gagawin ka ba mamayang gabi?

Girl (blushing tapos kinikilig): Uhm... wala e Ü

Boy: Ako meron! :D

-----

Napansin ko din ang ilang mga bagay:

1. P0.90 na pala per text.
2. Mas mahal pag mas mahaba yung message
3. Hindi ako naka-unlimited texting.

Hindi kasi ako madalas mag-text e. Kadalasan e yung mga sinesend kong message e pag importante lang (pwera na siguro yung mga text ko kay online Li'l Sis at kay Katr...).

Kung tutuusin nga, kilala ako bilang taong may cellphone pero walang load. Kaya't maaaring maituring na isang pambihirang pangyayari ang paggasta ko sa pera sa pagtetext! :))

------------------

Oops oops oops! Dahan-dahan lang!

Konting sampal muna sa sarili! Yan!

Ayos. Balik sa realidad.

Ingat ka lang. Wag kang mag-overreact. Alam mo naman ang nangyayari sa iyo kapag...






...

Kausap ko na naman ang sarili ko.

Buwisit talaga pag ganitong sabado ng gabi...

Suntok sa mukha kaya?

Pwede.